أممم أحياناً نحتاج شيء حلو ولذيذ يكسر علينا مرارة القهوة وهذا الحلا من الأصناف اللي أحب أقدمها مع القهوة من فترة لفترة نوع من التغير عن الشوكولاته

المقادير :

خليط رقم 1

كاسة حليب بودره ” محمص ” لونه يكون على ذهبي مو محروق !
1 علبة قشطه
2 فنجان قهوه سكر
1 فنجان شاهي زيت


3 بيضات
ملعقة صغيرة بيكنج بودر
ملعقة صغيرة فانيلا

———

خليط رقم 2

8 حبات جبنه كيري
1 علبة حليب مركز
——–
1 باكت بسكوت

صوص توفي هيرشي أو اي توفي جاهز او ممكن تعمليه بالبيت ( 3 فناجين قهوه سكر + علبة قشطه )
——-

الطريقة :

1- نخلط كل مقادير الخليط رقم 1 بالخلاط بعدها نصب نص الخليط في الصينيه ونرص فوقه طبقة بسكوت بعدها نصب نص الخليط الباقي وندخله الفرن إلى ان يستوي ويصير مثل الكيكه

2- نخلط الخليط رقم 2 إللي يتكون من ” الجبنه الكيري + والحليب المركز “ وبعد ما يستوي شبة الكيك نصب فوقه خليط الجبنه والحليب المركز على الوجه وندخله الفرن على نار هاديه من تحت وآخر شيء من فوق بس انتبهو ينحرق

3- بعد ما تتماسك خلطة الجبنه والحليب المركز وتصير شبة متماسكه مو سائله نطلعها من الفرن ونخليها تبرد وندخلها الثلاجه تبرد لوقت التقديم وعند التقديم نزينها بأي صوص توفي وتتقطع بأي شكل تحبو وتقدم مع القهوه .